شاعر الحب: الشيطان

هجرة الشيطان

فى الطابورقدام باب الجوازات شفت الشيطان معاه استمارة

قلت له على فيـــن يا إبليس قال لى يا إما هجرة أو إعارة

يا بنى آدم أنا زهقت وكفرت أنا من الآخر انتهيت خلاص

مش نافع وسواس ولا خناس ولا ليا عيش بين الناس

عندكو الرشوة والفساد عادى والإجرام بيجرى ف دم الناس

ماليش عيش فى البلد دى بقالى سنين وسنين عاطل

وانتم ياناس بتعرفوا كويس تقلبوا الحق ويكون باطل

تمشواتبكوا ف جنازة القتيل وتصفقوا للقاتل بدون مشاكل

أنا بقيت أوسوس بالمقلوب وأقول للحرامى كفاية صلىتوب

يعنى بتعملوا الحرام لوحدكم من غيرى رغم إنى أنا إبليس

طيب أشتغل أنا ايه ؟ واعظ ولا أشتغل كمسارى فى أتوبيس

كنت بستنى واحد ينسى يسمى الله وهو بياكل لقمته

دلوقت رغيف العيش مش لاقيينه أزاى انا آكل فضلته

والأكل كل سموم وبصراحة ابليس بيخاف على صحته

مابقاش عندكم ضمير أساسا علشان أحا ربه وأموته

كل واحد عايش بدماغه وبمزاجه خربانه ذمته

أنا من قلة الشغل رحت أوسوس لأخواتنا الصعايدة

سيبكم من والسفر وازعوا أكلكم وبرضه مافيش فايدة